Миний цаг

Ийм нэртэй дуу байдаг тээ? Харин өнөөдөр хүнээс сайхан гэхэд хаашаа муухайн гэхэд бүүр хаашаа юм тийм нэг санал хүлээж авлаа. Битгий буруугаар бодоод байгаарай, та нар... Цалин сайтай, ирээдүйтэй ажлын санал. Гэхдээ урьд нь өөрийгөө тийм ажил хийнэ чинээ зүүдэлсэнгүй явлаа. Тэрээр хэлэхдээ "Энэ чиний төлөө хийж чадах цор ганц зүйл ч байж магадгүй. Гэхдээ дургүйд хүчгүй гэдэг болохоор шийдвэр гаргах эрхийг чамд олгоё. Маргааш өглөө харицугаа хэлээрэй. Хамгийн гол нь манайд түмэн сэтгүүлч байна. Чи өөрийн гэсэн байр сууриа олохын тулд ... Харин энэ бол чиний амьдралын баталгаа... Сайхан ирээдүй. Чиний өмнө сайхан ирээдүй хүлээж байна. Эхэндээ хэцүү байх болно. Эцсийн үр дүн нь харин чамайг баярлуулна" гэсэн. Бодоод байсан бодын шийр дөрөв юм аа... Энэ ажилдаа би дуртай. Өглөө болгон лдурлаж, өдөржингөө дурлаж, орой нь ч бас дурлаж хийдэг. Юм бичиж байхдаа инээд алдаад л.. Манай ажлынхан ч гэсэн чамайг инээгээд юм бичихийг харах сайхан гэдэг юм. Гэхдээ амьдрал бол өөр. Намайг чадна гэж хүн итгээд ажил санал болгож байна. Зөвшөөрчихдөг юм билүү? Надад хорж холтроод алдаад байх зүйл байхгүй. Хүний итгэлийг алдахгүйн тулд хичээнээ. Тэгж байгаад шинэ ажилдаа дурлана. Тэгээд инээгээд хийдэг болно. Хүн хийж үзээгүй юмнаасаа л айдаг. Чадах болов уу гэж зүрх алддаг. Хийгээд үзэхээр таалагдах ч юм билүү. Тэгээд дурлаад хийнэ. Амжилт гаргана.