АРХИ МОНГОЛ 2-ЫН АЛЬ НЬ ТОМ БЭ?
Байрнаасаа гараад 5 ч алхалгүй хөл дээрээ тогтож ядах 2 ч хүнтэй дайралдлаа. Тэгээд өөрийн эрхгүй архи монгол 2-ын аль нь том юм бол гэж өөрөөсөө асуулаа. Миний жаахан монголын эрчүүд "жигүүртэй" нь дэвж, жижигхэн нь живж архидна. Ядарлаа гэж ууна, задарлаа гэж ууна, ялархаж тунирхаж ууна, ямар ч шалтгаангүй ууна. Ажлаас халагдлаа, ашиг оллоо, аз таарлаа, авгай төрлөө, төрсөн өдөр, төрийн ёслол, андын баяр, автомашины угаалга...гээд бичээд байвал хэдэн хуудас урт шалтгаан болох янзтай. Хог түүгээд архи, хоолойгоо сөөтөл микродоод архи, сар ажиллаад архи, худал хэлээд архи, хулгай хийгээд архи... Эцэс төгсгөлгүй мэт "архин" тойрог. Эхнэрээ харуулдуулж архидна, үрсээ уйлуулж архидна, ах нь дүүтэйгээ ууна, аав нь хүүтэйгээ ууна, амьдралаа үрж ууна. Хорин настай нь гуйвна, хоймор суух азай нь ч ууна. Хичнээн олон эхнэр ханьдаа хөх няц болсон гараар бантан хийж, орой эрүүл ирээсэй гэсэн горьдлого тээн үлдэж, хичнээн олон хүүхэд аавынхаа тэвэрт эрхлэж, тосон гүйж, шулганан ярьж, шуугин тоглохсон гэж хүсч байгаа бол... Эзэн Чингисийн үр сад гэж цээжээ дэлдхээсээ өмнө, өөрийн гэр орон, үр хүүхдээ харж хайрлаасай эрчүүдээ
Сэтгэгдэл бичихСэтгэгдэл:
Их гоё товч, тодорхой уянгалаг бичих юмаа