Миний цаг

Нэг их завгүй "амьтан" суужийсан чинь мессэж иржийнэ. Хүүе хамт "Сэнгүр лиг" үзье гэж. Ойрд заал мааланд очоогүйг ч хэлэх үү, тэгье гээд л гарлаа. Спортын төв ордон руу ороод хамт үзэх хүнээ хайгаад, арай гэж олоод, хүмүүсийн урдуур хойгуур царай алдаж гүйсээр зэрэгцээд сууж авлаа. Талбай дээр Баянзүрхийн бухнууд, Тавантолгойн ёлнуудтай үзэж тарж байнаа. Ёлнууд хожвол шөвгийн дөрөвт үлдэхийн, хожигдвол хусагдана. Харин Бухнууд хожсон ч хожигдсон ч дөрөвт үлдэж байгаамаа гээд найз хэлжийнэ. За тэгэхээр нь Ёлнуудыг хожоосой билээ гээд хараал, дэмжээл, орилоол, алгаа ташаал, түгшээл, догдлоол... Хожсон. Харин явж явж Бухнуудын фанатуудтай хамт сууж байгаагаа анзаараагүйн байна лээ. Намайг алга ташаал, инээгээл эхлэхээр хойноос нэг залуу "За зайлаа" ч гэх шиг. Боож үхмээр. Би чинь хэнийг дэмжихээ өөрөө мэддийн байгааз дээ. Хажууд суужийсан залуугийн  утас дуугараад байн байн. Заалны чимээнээс болоод нөгөөх чинь хэнгэрэг хагалмаар чангаар дэргэд бахирхийн. Өө ямар ядаргаатайн бэ гээл боджийтол миний утас дугардагийн. Харсан чинь танихгүй дугаар. Аваад байна гэсэн чинь "Цаг төрийн хүүхэд үү?" гэдэг байгаа. Би чинь уул шугамандаа Махвал гэдэг хүний хүүхэд шүү дээ. Би "Тийм ээ" гэтэл дизайнертайгаа яриулаад өгөөч гэжийхийн. Бүүр гайхлаа. Энэ чинь ажлынхаа утсыг аваад явжийгаа билүү ч гэж бодох шиг. ТА ажил руу залгаа гэвэл "Үгүй ээ нэгж дуусах гээд байна. Над руу залгачих" гэнгүүтээ утсаа тасалчихийн. Буцааж залгаагүй ээ. Хүн юм үзэж байхад... Аан тийм Ёлнуудын 14 номертай Санчир гээд нэг залуу байнаа. Сайн тоглож байна лээ. Бүүр биширсэн. NBA -тэй зүйрлүүлэх нь хаашаа ийн манайхны тоглож байгааг. Тэгсэн ч гэсэн сайн тоглож байна лээ. Харин Бухнуудын Эби гээд залуу ёстой худлаа гар байна лээ. Шоу үзүүлэх гээд яджийнаа. Бүүр инээд хүрмээр. Тэгээд нэг хүний хэлсэн үг санаанд оров. Оюутан охидууд нүүрээ будаад, нөгөө хувцасаа өмсөөд лиг үздийн байх. Харин талбай дээр тоглож байгаа залуучууд нь тоглох биш, бие хаагаа гайхуулж гүйгээд. Нэг үгээр хэлбэл амьтны хүрээлэнгийн хүмүүсийн нүдийг хужирладаг "амьтас" шиг. Тэр үг санагдсан. За дэмжсэн баг 23 онооны зөрүүтэй хождийн байна. Гэхдээ нэг зүйл таалагдаагүй. Спорт гэдэг эцсийн мөч хүртэл тэмцэж байж кайф авдаг байтал цаг дуусах дөхөөд ирэнгүүт хожиж байгаа хожигдож байгаа хоёр хоёулаа тоглохоо больчихийн. Хөдөлж ядаал. Үзэж байсан нөгөө их кайф байхгүй болцон. Харин Бухнууд хожиж, хожигдож сурсан юм шиг байна лээ. Хожигдсон ч гэсэн талбай дээр гарч ирээл гараа бариал нэг нэгэндээ амжилт хүсээл... Дараагийн тоглолт нь Халелуяа, Хасын хүлгүүдийн хооронд болдийн. Тоглолт эхлэнгүүт хоёр багийн дасгалжуулагч орилоол, хашгираал, тамирчдаа загнаал... Нөгөөдүүл нь бүүр панигт орчихсон юм шиг учраа мэдэхгүй гүйлдээд л... Дуустал нь үзээгүй. Өнөөдөр хүнээс тодруулбал Халелуяа хожсон гэсэн. Хасын хүлгүүд хэл ам хэрүүл тэмцэл хийсийн байх. Мээдкүү. Лиг үзсэн нэг үдэш иймэрхүү...