Миний цаг

Английн хэсэн судлаачид Лондон хотын оффисуудаас хоолны хордлого үүсгэдэг бактер илрэх эсэхийг шалгасан аж_. Тэд нэг компаний оффисоос 33 ширхэг компъютерийн гарт шинжилгээ хийхэд дөрөв нь эрүүл мэндэд хохирол учруулж болзошгүй, тав нь ажлын байрныхаа 00-ийн суултуур дээрхээс тав дахин илүү нян илэрсэн байна. Энэхүү судалгаагаар хэд хэдэн хүн ээлжлэн хэрэглэдэг компъютерийн гар өвчин тараах гол эх үүсвэр болдог гэнэ. Ажил хийж байхдаа хооллодогоос комъютерийн гар хоолны үлдэгдэлд бохирдож, нян өсөх таатай нөхцөл болдог. Мөн бие зассаныхаа дараа гараа угаах ёстой гэсэн энгийн дүрмийг зарим ажилтнууд огт тоодоггүйгээс ийнхүү өвчний уурхай бий болгодог байна. Англичуудаас нэг жилийн өмнө Америкийн Аризона мужийн эрдэмтэд судалгаа явуулаад тэндэхийн офисын компьютерийн гар нь жорлонгийн суултуур дээрхээс 400 дахин их нян агуулдгийг илрүүлж байжээ. Ингээд ч зогсохгүй эмэгтэйчүүдийн ажилладаг гар дээрх нян нь эрэгтэйчүүдийнхээс 3-4 дахин их байгааг тогтоосон байна.