Миний цаг

Германы иргэн Gertrud muller: Өнгө болгон өөрийн аялгуутай

        - Германчууд ямар өнгийг таашаадаг вэ?

    - Яг тийм өнгө гэж хэлэхэд хэцүү л дээ. Ер нь тухайн улиралын моданд орж байгаа өнгийг сонгодог. Түүнээс өөр өнгийг сонгож хувцаслах нь тийм ч таатай харагдаад байдаггүй. Ямар ч зүйлд өнгө нь зохицохгүй байвал муухай харагддаг. Харин миний хувьд өнгө бол агаар гэсэн үг. Гоё өнгө харвал бараг шүлс гоождог. Өнгө болгон өөр өөрийн аялгуутай гэж би боддог. Цэнхэр хурц нарийхан, улбар шар өнгө Африкийн модон хөгжтүүд шиг гүнзгий аялгуутай.

- Та ямар өнгөнд дуртай вэ?

- Би улбар шар намрын өнгөнд дуртай. Унтлагын өрөө сэрүүхэн байх ёстой гэсэн үүднээс хөх, цэнхэр өнгөөр тохижуулж, нил ягаан өнгийн цэцэг ургуулдаг. Харин том өрөөгөө улбар шараар дагнаж, өнгө өнгийн цэцэг тарьдаг. Цэцэгнүүд гэрийн тавилгатай яг зохицож байх ёстой. Мөн өвөл хүйтэнд мөсний өнгөтэй хувцас өмсдөггүй, харин зун лимоны шар өнгөтэй хувцас их гоё харагддаг. Хоолны дуршил төрүүлэхэд өнгөний зохицол их чухал. Өсвөр насны хүүхдүүд ихэвчлэн хар өнгийн хувцас сонгодог. Ÿагаад гэхээр тэд өөрсдийгөө илэрхийлэх боломж хомс, нууцлагдмал, хүний нүдэнд тод томруун тусахыг хүсээд байдаггүйтэй холбоотой.

- Манай улсад ирснээсээ хойш олон зураг авсан юм байна. Манайхны өнгөний сонголтын талаар ямар бодолтой байдаг вэ?

- Ер нь өнгөний зохицолдолгоог хардаггүй, бодолцдоггүй юм байна гэж бодож байгаа. Германд өнгөний зөвлөгөө өгдөг газрууд байдаг. Тухайн хүнтэй ярилцаж байгаад дотоод сэтгэлийг нь илэрхийлэх өнгийг нь сонгож өгдөг. Монгол, Герман хүмүүсийн хувьд өнгөний тухай ойлголт зөрүүтэй байдаг байх. Хөдөө явж байхад улаан хацартай, сэвхтэй эмэгтэйтэй таарсан юм. Сэвхтэй байх нь надад гоё санагдаж байхад тэр эмэгтэй ичээд байсан. Би уруулаа будчихаад хацартаа будагнаасаа жаахан түрхчихдэг.