Миний цаг

Эрүүл удаан амьдрахын нууц

Урт наслахад нөлөөлдөг гол хүчин зүйл нь эрүүл аюулгүй хүнсний бүтээгдэхүүнээр өөрийн биед зохицсон хоол хүнсийг бэлтгэн идэх явдал юм. Ер нь эмч мэргэжилтнүүдийн зөвлөж байгаагаар идэж байгаа хоол хүнсний калорийн хэмжээ ажил хөдөлмөр эрхлэх үед зарцуулагдах энергийн хэмжээтэй тэнцэж байх нь чухал гэж үздэг. Түүний зэрэгцээ өөрийн бие эрхтэй ямар зүйлийг хүлээн авч шингээх чадвартай байгаа вэ гэдгийг мэдэж болохгүй зүлсээс татгалзаж сурах нь өөрийн эрүүл мэнддээ оруулах том хөрөнгө оруулалт болно. Орчин үеийн хоолны онолоор өдөрт дөрвөн удаа бага хэмжээгээр хооллох нь зүйтэй гэж үздэг болсон байна. Ингээд зарим нэг өвчний үед хэрэглэх хоолны жорыг санал болгож байна.

1. Ходоод, арван хоёр нугалаа гэдэсний шархлаатай хүмүүс B,C витаминаар баялаг, уураг өөх тосны тэнцвэртэй зүйлсийг жигнэж идэх нь тохиромжтой.

• Нэгдүгээр хоол: Сүүтэй будаа, гоймонтой шөл, төрөл бүрийн жимс, тахиа загас болон өөх багатай хар шөл тохиромжтой.
• Хоёрдугаар хоол: өөх багатай үхрийн болон загасны махан котлет, сайтар болгосон хар мах.
• Хачир нь: төмс, лууван, ногоон вандуй, навчит ногоон салат зэрэг болно.
• Татгалзах зүйл: өтгөн кофе, гоньд, перец, шинэ барьсан талх, даршилсан өргөст хэмх

2. Бөөрний өвчтэй хүмүүс A, PP, B-гийн төрлийн витаминаар баялаг хоол хүнс хэрэглэх хэрэгтэй.

• Нэгдүгээр хоол: ихэвчлэн цагаан хоол хэрэглэх
• Хоёрдугаар хоол: бараан болон татсан махыг ууранд жигнэж болгоно.
• Хамгийн тохиромжтой хүнс: сүү, тараг, ээдэм, аарц зэрэг сүүн бүтээгдэхүүн. Мөн шээс хөөх үйлчилгээтэй шийгуа, хулуу, манжин, хар чавга, үзмийг өргөн хэрэглэх нь зүйтэй.
• Татгалзах зүйлс: мөөг, загасны мах, бүх төрлийн лаазалсан бүтээгдэхүүн, сонгино, сармис, гоньд, гич, орос цуу

3. Чихрийн шижин өвчтэй хүмүүс тодорхой хэмжээний уураг, өөх тос агуулсан B,C витаминаар баялаг байх шаардлагатай. Ургамлын гаралтай бүтээгдэхүүнээр бэлтгэсэн олон төрлийн хоол байж болно.

• Нэгдүгээр хоол: загас, тахианы болон бараан махтайшөл, ногоотой шөл
• Хоёрдугаар хоол: гахай, тахиа, үхрийн махыг зөөлөн галаар чанах, эсвэл жигнэж болгоно.
• Хачир нь: улаан лууван, хулуу, манжин. Таргийг өдөрь 300-400 мл хэмжээтэй ууна.

 Татгалзах зүйлс: цагаан талх, хөөлгөсөн гурилаар хийсэн бүхий л бүтээгдэхүүн, төмс, чихэр, шоколад, өөхтэй хиам болон тарган мах

4. Зүрх судасны өвчтэй хүмүүст судасны хэвийн үйл ажиллагааг хангах, биед байгаа илүүдэл бодисыг гадагшлуулах зориулалттай хоол хүнсийг хэрэглэх нь зүйтэй. Өөх тос багатай болон цагаан хоол түлхүү хэрэглэнэ. Хоол, цай, ундааны бүхий л шингэн зүйл нийлээд хоногт 1,5-1,8-аас хэтрэхгүй байвал зохилтой.

• Нэгдүгээр хоол: гол төлөв цагаан хоол, загасны шөл
• Хоёрдугаар хоол: малын болон загасны махыг таташ болгон жигнэж хэрэглэнэ.
• Хачир нь: бүх төрлийн шинэ ногооны салат, долоо хоногт хоёр ширхэг өндөг
• Татгалзах зүйлс: хурц үнэр амттай бүх төрлийн амтлагч, цагаан талх, бялууны өнгө оруулсан масло