Миний цаг

2 жилийн өмнө би "Гарын 5-н хуруу " киноны Шагдар буюу УГЖ Лхасүрэн гуайтай ажил хэргийн шугамаар уулзаж байсан юм. Тэр хүн дотроосоо шатаж багтарч явдаг юм билээ. Толгой өөд таталгүй уйлж, гурвалжин дөрвөлжин дурлалцаад, сархадыг сав саваар нь сөгнөж, ой санамжаа алдаж, элдэв хорт хавдраар өвчилдөг солонгос кино жүжигчидийнхээ хөөрхөн царай дэгжин хувцасаар олон монгол охид хөвгүүдийг өөртөө татаж байна. Үүнээс болж урлагийг үнэлэх үнэлэмж, бусдыг үзэх үзэл аяндаа л өөрчлөгдөж байна. Сонгодог урлаг, дэлхийн шилдэг киног тэд ойлгохоо больж. Энэ бол эмгэнэл. Тархи толгой нь сайхан зүйлийг мэлрэхээ больчихож.  Хэлд дөнгөж орж байгаа охин "уба" ч гэнүү солонгос үг хэлж ёстой л толгой эргүүлж орхих юм гэж ярьж байлаа. Би  өөрөө тийм сүрхий урлагийн нарийн ширийн ойлголтгүй болохоор урлаг талаас нь ярьж байгаа зүйлийг нь ойлгоогүй ч өнөөдөр охид хөвгүүд маань солонгос кинонд уусаж тэдний хувцасаар гоёж, үг яриаг нь дууриаж, үс гэзгийг нь өвчисөн юм шиг дагаад л... Энэ яахав хувь хүний эрх байх л даа. Гэхдээ хотын төвөөр алхаж байгаа залуусын өнгө аясыг харах юм бол аяндаа солонгос стиль үнэртэж байгаа гэдэгтэй нэг их маргах хүн гарахгүй л байх. Хөнгөн дэврүүн зарим охид киноноос харсан солонгос орноо бодит юм шиг бодож мөрөөдөж байхад нөгөө хэсэг нь тэднээр бизнес хийж солонгос хүнтэй гэр бүл болгоно гэсэн хуурамч зар гаргаж хүний боол болгон гадагш нь наймаалж байгаа гэдгийг дээр дооргүй хүлээн зөвшөөрөөд байгаа. Телевизийн аль ч сувгийг солино нус нулимастай солонгос сериал. Харсаар байтал нэгдүгээр ангийн хүүхэд ч учрыг нь олчих юман дээр төрүүлээд л төрүүлээд л зөрүүлээд л байдаг солнгос киногоор залуус амьсгалаж кинон дээрх хоосон ертөнцийг даган дууриаж үндэсний гэсэн бүхнээ мартаж ой санамжаа алдаж байна гэж хэлсэн Лхасүрэн гуайн үгийг эргээд бодоход маргах юм огт гарахгүй юм шиг. Солонгос киног үзэх нь буруу гэж огт хэлээгүй, хүн юугаа үзэх нь өөрийнх нь хэрэг. Гэхдээ үндэснийгэсэн үзэл бидэнд жаахан дутаад байна уу даа. Даярчлал гээд л яриад байгаа. Энэ даяарчлалд бид өөрийн гэсэн юмаа авч ороод бусдад уусчихалгүй явж чадвал Монгол цус, Монгол ген үлдэж чадна. Түүнээс биш юм юмыг дагаж дуурайгаад саваагүй нохой саранд хуцахын үлгэрийг гаргавал нэг мэдэхэд Монгол гэсэн улс газрын зураг дээр тэмдэглэгдэхгүй болчих вий. Ой санамжаа алдаж, осолдож энддэг энэ кинонуудыг арай бага гаргавал яасан юм бэ? телезизүүдээ.